Herri aldizkariarekin tutu bat egin duten bi mutiko topatu ditut kalean.
Tutuaren alde batean baten ahoa
eta beste aldean bestearen belarria jarri dituzte,
mutikoek.
Bata besteari sekretu garrantzitsuren bat kontatzen ari da.
Ez dute hain errez lortzen ordea,
barre algaratan lehertzen baitira etengabe.
Jendea joan, jendea etorri,
parkeko izkina horretan jarraitzen dute,
elkarri sekretuak kontatu nahian.
Tarteka-tarteka, posizioak aldatzen dituzte:
zure ahoa, nire belarria, nire ahoa zure belardia.
Herri aldizkariaz egindako tutua lerdez betetzen den heinean,
sekretuak ulertzea are eta zailagoa egiten zaie.
Belarriak berotzea, alta, gero eta errazago.

Eibarko Karrika tabernan Dj residente edo holako zerbait bilakatu naute! Jupi! Kontua da Abenduak 24 gauean, gabon bezperan bertan egongo naizela musika eta irudiak ipintzen. Esaten dute 31an denak irtetzen direla eta 24 gauez soilik golfo, galduteiro eta lotsagabeenak. Ea egia den. Ondo legoke!